Thursday, September 19, 2013

ORI PAPS (poem)

-->
Sanap  lo tel blo longpla lain
muv olsem snek nogat strong
Fornait em  sa mekim  wankain

Mekim wok na kisim ova taim
Gutpla wokman blo kavman
Bos no wari wok tasol em baim

Faif handret ten  em hat wok blo em
Fo handret nainti  em holim lo han
Wanla tuendi  holim balens blo em

No mo sta lo tel blo lain
Kam klostu nau lo bel blo em
Oi! Hariap  na surukim lain!

Taim blem nau na em sanap
Ori mangi rausi katen
Lo plastic na solda antap

Poi  go lo kar blo wanwok
Ol paps tasol  na sampla mams
Taim to “rilex afta hard day’s wok”

Ol tekof  go lo as blo talis
Lo haus blo Ben we meri no stap
Volume ap. Ol Paps kilim dens

Ten kilok nait bia pinis
Taim blo pekap na fak of
Meri blo Ben kam bek pinis

Go lotu na kam bek. KAR!!
Botol smesh na Ben  kisi was
Ston misim ol mams lo  kar

Ben raunim haus mams bihainim em
Botol i go ston i go
Fatpla tok nogut bihainim em

Sem taim mobail ring lo poket
Ori mangi rausim Nokia
Na suvim bek laslas kes lo poket

Paps putim Nokia  lo yau  o
Nek blo ori mams pairap lo fon
“Hassole! Yu baim pawa tu o?

No comments:

Post a Comment