Wednesday, September 25, 2013

NAMEL LO TURUBU NA WEWAK (poem)

Namel lo Turubu na Wewak
Anda lo Stinger blo Samap
Wanpla 60 fulblast kam bek

Mi lokim lo tingting tasol
Keke tit na pasim ai
Tuhat kapsait ol ting nomol

Mi tingim go bek nau moning
Has pen lo bam bam lo dingy
Ba mi mekim wanem mi ting

Ol tisa meri na ol pikinini blo ol
Stori lap na kaikai buai
Wanpla kaikai pis na sol

Mi pasim tingting yet
OOOOI! Dingy bamim ken solwara
Mi pasi’ ai strong mo yet

Mi lukluk go lo nus blo bot
Wewak i stap longwe yet
Oiyo plis! Mi tingim tasol longpla rot

Maski pasi’ tingting tasol
Na stopim bot lo namel
Jes go tokim skipa. Tokim ol

Mi tromoi han lo man lo sait
Em tromoi het na kam
Saitim lo bek na kam lo sait

“Kaunsol, tokim skipa lo stopim bot”
Na mi tok isi tasol lo yau blo em
“Bikpla pispis kilim mi na mi tingting sot”

“No waris brat kam sanap lo masin”
“Olgeta nature calls,” em singaut
Ol tisa meri tanim ai longwe lo masin

Hap blo stori em hat lo tok
Niupla wara bungim solwara
Sampla pis aipas mi ken tok

Tasol hamamas blo em
Noken tok
Bikpla bel isi blo em

As tingting em olsem:
NOKEN DRING KOPI LO TAIM YU KALAP LO BOT

No comments:

Post a Comment